منځپانګې ته تګ
یکشنبه، ۱ لیندۍ ۱۴۰۵
وروستي خبرونه
پاکستان په ملګرو ملتونو کې: په تېرو درېیو کلونو کې زموږ ۴۷۰۰ وګړي له افغانستانه د راپورته شوې ترهګرۍ قرباني شويد زابل د ارغنداب اوسېدونکي: موږ ته د اړتیا وړ روغتیايي خدمتونو یوازې ۱۰ سلنه شتهافغانستان د دوشنبې په ښار کې د پوتین او امام علي رحمان د کتنې په محور کېپه فراه کې په یوه دیني مدرسه کې د یوې ناچاودې ګولۍ چاودنې درې کسان ووژلسرچینې: طالبانو د اسلامي بانکدارۍ په نوم په کندهار کې ۷۰ سلنه بانکي راکړې ورکړې درولې ديرباب فاطمه له کندهار سفر وروسته: راستانه شوي کډوال او هغه کورنۍ چې مشري یې ښځې کوي ډېر ملاتړ ته اړتیا لريد ماشومانو نړیواله ورځ؛ د افغانستان له نیمایي ډېر ماشومان د لومړنیو زده کړو په عمر کې له ښوونځي بهر ديپه ژنیو انسټیټیوټ کې د افغان ښځو د وضعیت په اړه غونډه جوړه شوه

د ملګرو ملتونو استازې: په نړۍ کې نږدې ۴۵ میلیونه ماشومان بې ځایه شوي دي

د ملګرو ملتونو ځانګړې استازې د ۴۵ میلیونه ماشومانو بېځایه کېدو ته په اشارې، د بحرانونو پر وړاندې د ماشومانو د ساتنې غوښتنه وکړه.

د بانو راډیو تلوېزیون شبکه ۱ دقیقې لوستل

د ماشومانو پر وړاندې د تاوتریخوالي په چارو کې د ملګرو ملتونو ځانګړې استازې، نجات معلا مجید وايي، په ټوله نړۍ کې نږدې ۴۵ میلیونه ماشومان د جګړو، طبیعي پېښو او اقلیمي بحران له امله له خپلو کورونو بې

ځایه شوي دي. ملګرو ملتونو د شنبې په ورځ، د اکتوبر پر ۱۷مه، راپور ورکړی چې آغلې مجید د هغو ماشومانو د ساتنې لپاره د لا قوي نړیوالو اقداماتو غوښتنه کړې چې له مخ په زیاتیدونکو بحرانونو سره مخ دي. هغې ویلي چې خوراکي ناامني او د ټکنالوژۍ چټکه پراختیا هم د ماشومانو پر وړاندې د تاوتریخوالي کمولو هڅې له ننګونو سره مخ کړې دي.

دا څرګندونې وروسته له هغه وشوې چې هغې د ملګرو ملتونو عمومي اسمبلۍ ته خپل وروستی راپور وړاندې کړ، چې دا یې د نړیوالې ټولنې لپاره “د ویښتابه زنګ” وباله. د دغه راپور وړاندې کول د ماشومانو پر وړاندې د تاوتریخوالي په اړه د ملګرو ملتونو د لومړنۍ نړیوالې څېړنې له شلمې کلیزې سره هممهاله وو. آغلې مجید زیاته کړه چې د تېرو دوو لسیزو له بدلونونو سره سره، نړیواله ټولنه د کوویډ-۱۹ وبا وروسته لا هم له پېچلو او هممهاله بحرانونو سره مخ ده چې ماشومان سخت ځپي.

شریکول Facebook X WhatsApp Telegram

د بانو راپورونه، مستند او خپرونې په یوټیوب کې وګورئ.

▶ بانو تلوېزیون وګورئ