منځپانګې ته تګ
یکشنبه، ۱ لیندۍ ۱۴۰۵
وروستي خبرونه
پاکستان په ملګرو ملتونو کې: په تېرو درېیو کلونو کې زموږ ۴۷۰۰ وګړي له افغانستانه د راپورته شوې ترهګرۍ قرباني شويد زابل د ارغنداب اوسېدونکي: موږ ته د اړتیا وړ روغتیايي خدمتونو یوازې ۱۰ سلنه شتهافغانستان د دوشنبې په ښار کې د پوتین او امام علي رحمان د کتنې په محور کېپه فراه کې په یوه دیني مدرسه کې د یوې ناچاودې ګولۍ چاودنې درې کسان ووژلسرچینې: طالبانو د اسلامي بانکدارۍ په نوم په کندهار کې ۷۰ سلنه بانکي راکړې ورکړې درولې ديرباب فاطمه له کندهار سفر وروسته: راستانه شوي کډوال او هغه کورنۍ چې مشري یې ښځې کوي ډېر ملاتړ ته اړتیا لريد ماشومانو نړیواله ورځ؛ د افغانستان له نیمایي ډېر ماشومان د لومړنیو زده کړو په عمر کې له ښوونځي بهر ديپه ژنیو انسټیټیوټ کې د افغان ښځو د وضعیت په اړه غونډه جوړه شوه

ملګري ملتونه: په نړۍ کې ۲.۲ میلیارده خلک د څښاک پاکو اوبو ته لاسرسی نه لري

د ملګرو ملتونو د راپور له مخې، په نړۍ کې میلیاردونه خلک د څښاک پاکو اوبو او خوندي روغتیايي خدماتو ته له لاسرسي بې برخې دي.

د بانو راډیو تلوېزیون شبکه ۱ دقیقې لوستل

ملګرو ملتونو په یوه راپور کې ویلي چې په ټوله نړۍ کې ۲.۲ میلیارده خلک د څښاک پاکو اوبو ته لاسرسی نه لري او میلیاردونه نور له لومړنیو روغتیايي خدماتو بې برخې دي. دغه سازمان د شنبې په ورځ، د اکتوبر پر ۱۷مه، د دغه راپور د خپرولو پر مهال زیاته کړې چې ۳.۴ میلیارده خلک خوندي روغتیايي خدماتو ته لاسرسی نه لري او ۱.۷ میلیارده نور په خپلو کورونو کې د حفظ الصحې له لومړنیو امکاناتو بې برخې دي. د راپور له مخې، د نړۍ د اوبو سرچینې د ککړتیا، پر سرچینو د ډېرېدونکي فشار او کمزوري مدیریت له امله له جدي ننګونو سره مخ دي.

ملګرو ملتونو ټینګار کړی چې یوازې ۵۶ سلنه کورني فاضلاب په خوندي توګه تصفیه کیږي، چې دا روغتیايي او چاپیریالي خطرونه زیاتوي. دغه راپور دا هم په ډاګه کوي چې د ګډو اوبو سرچینو په مدیریت کې د هېوادونو ترمنځ همکاري محدوده ده او د نړۍ په ډېرو سیمو کې د اوبو پر سرچینو فشار په بحراني کچه کې دی. ملګرو ملتونو خبرداری ورکړی چې د نړۍ شاوخوا څلور میلیارده خلک په کال کې لږ تر لږه یوه میاشت د اوبو له شدید کمښت سره مخ کیږي.

شریکول Facebook X WhatsApp Telegram

د بانو راپورونه، مستند او خپرونې په یوټیوب کې وګورئ.

▶ بانو تلوېزیون وګورئ