منځپانګې ته تګ
یکشنبه، ۱ لیندۍ ۱۴۰۵
وروستي خبرونه
پاکستان په ملګرو ملتونو کې: په تېرو درېیو کلونو کې زموږ ۴۷۰۰ وګړي له افغانستانه د راپورته شوې ترهګرۍ قرباني شويد زابل د ارغنداب اوسېدونکي: موږ ته د اړتیا وړ روغتیايي خدمتونو یوازې ۱۰ سلنه شتهافغانستان د دوشنبې په ښار کې د پوتین او امام علي رحمان د کتنې په محور کېپه فراه کې په یوه دیني مدرسه کې د یوې ناچاودې ګولۍ چاودنې درې کسان ووژلسرچینې: طالبانو د اسلامي بانکدارۍ په نوم په کندهار کې ۷۰ سلنه بانکي راکړې ورکړې درولې ديرباب فاطمه له کندهار سفر وروسته: راستانه شوي کډوال او هغه کورنۍ چې مشري یې ښځې کوي ډېر ملاتړ ته اړتیا لريد ماشومانو نړیواله ورځ؛ د افغانستان له نیمایي ډېر ماشومان د لومړنیو زده کړو په عمر کې له ښوونځي بهر ديپه ژنیو انسټیټیوټ کې د افغان ښځو د وضعیت په اړه غونډه جوړه شوه

څلورو مدني بنسټونو د افغان ښځو پر وړاندې د تاوتریخوالي د مخنیوي ۱۶ ورځنی کمپاین پیل کړ

څلورو بنسټونو او ټولنیزو غورځنګونو د ښځو پر وړاندې د تاوتریخوالي د له منځه وړلو د نړیوالې ورځې په مناسبت، د افغان ښځو او نجونو د زده کړې، ازادۍ او کرامت پر حق ټینګار سره ۱۶ ورځنی کمپاین پیل کړی دی.

د بانو راډیو تلوېزیون شبکه ۲ دقیقې لوستل
Burqa in Kabul, Afghanistan
Photo: ninara. CC BY 2.0. Source: https://commons.wikimedia.org/wiki/File:Burqa_in_Kabul,_Afghanistan.jpg

څلورو بنسټونو او ټولنیزو غورځنګونو د ۲۵ نومبر، د ښځو پر وړاندې د تاوتریخوالي د له منځه وړلو د نړیوالې ورځې په مناسبت، یو ګډ ۱۶ ورځنی کمپاین پیل کړی دی.

د جمعې په ورځ، د لړم په ۲۹مه، د دې کمپاین جوړونکو د ښځو پر وړاندې د تاوتریخوالي له ټولو بڼو سره د مبارزې، پوهاوي او پیوستون غوښتنه کړې ده.

د دې راپور له مخې، د کمپاین اصلي محور د افغانستان د ښځو او نجونو د زده کړې، ازادۍ، برابرۍ او انساني کرامت پر حق ټینګار دی. چلوونکي یې وايي هڅه کوي چې تاوتریخوالی، تبعیض او بې برخې کېدل د راتلونکو نسلونو برخلیک نه شي.

د جنسیت پر بنسټ د تاوتریخوالي پر وړاندې ۱۶ ورځنی کمپاین هر کال په نړیواله کچه له ۲۵ نومبر پیلېږي او د بشري حقونو تر نړیوالې ورځې، ۱۰ ډسمبر، پورې دوام کوي. دا موده مدني بنسټونو، فعالانو او نړیوالو سازمانونو ته فرصت ورکوي چې د کورني تاوتریخوالي، اجباري او وخت نه مخکې ودونو، ځورونې او د ښځو د بې برخې کېدو پر لور د خلکو پام واړوي.

د افغان ښځو لپاره دا کمپاین په داسې حال کې جوړېږي چې زده کړو، کار، ازادې تګ راتګ او عامه ځایونو ته یې لاسرسی په کلکه محدود شوی دی. د طالبانو له بیا واکمنېدو وروسته د ښځو چارو وزارت منحل شو او ځای یې د امر بالمعروف او نهي عن المنکر وزارت ونیو.

د ښځو د حقونو فعالان وايي چې د ډېرو ملاتړي میکانیزمونو، لکه خوندي کورونو او د تاوتریخوالي د شکایتونو د اورېدو د ادارو، له منځه تلو سره، هغه ښځې چې د تاوتریخوالي ښکار کېږي، د عدالت غوښتنې او مرستې ترلاسه کولو لپاره ډېرې لږې لارې لري.

ملګرو ملتونو هم څو ځله په افغانستان کې د ښځو وضعیت په نړۍ کې تر ټولو بد وضعیتونو کې شمېرلی دی. تمه کېږي چې د دې کمپاین فعالیتونه په راتلونکو ورځو کې او د ۲۵ نومبر له نړیوالو پروګرامونو سره یوځای دوام وکړي.

انځور: ninara / CC BY 2.0 / ویکیمېډیا کامنز

شریکول Facebook X WhatsApp Telegram

د بانو راپورونه، مستند او خپرونې په یوټیوب کې وګورئ.

▶ بانو تلوېزیون وګورئ