ظاهر اغبر: ساحۀ از ساختمان سفارت به دسترس دانش آموزان مکتب خصوصی سامانیان قرار داده شد

محمد ظاهر اغبر سفیر جمهوری مخلوع افغانستان در شهر دوشنبه پایتخت تاجیکستان می گوید که ساحه از ساختمان این سفارت را به دسترس دانش آموزان مکتب خصوصی سامانیان قرار داده تا آنها به آموزش‌ شان ادامه دهند.

لیسه عالی سامانیان یگانه مکتب خصوصی مربوط به افغان‌ها در تاجیکستان در ۹ فبروری بنابر مشکلات مالی و نپرداختن کرایه ساختمان مکتب از سوی مالکان آن مهر و لاک شد.

آقای اغبر در شبکه ایکس، توییتر سابق امروز ۱۴ فبروری گفت که این اقدام به هدف حمایت از آموزش دختران و پسران افغان روی دست گرفته شده است.

این مکتب ۲۵۰ شاگرد دارد و نصاب تعلیمی جمهوری ساقط شده افغانستان در آن تدریس می شود.

لیسه عالی سامانیان در شهر دوشنبه پایتخت تاجیکستان در ۲۰۰۱ میلادی بر اساس توافقنامه میان مسئولان وزارت معارف جمهوری وقت افغانستان و حکومت تاجیکستان ایجاد شد