منځپانګې ته تګ
یکشنبه، ۱ لیندۍ ۱۴۰۵
وروستي خبرونه
پاکستان په ملګرو ملتونو کې: په تېرو درېیو کلونو کې زموږ ۴۷۰۰ وګړي له افغانستانه د راپورته شوې ترهګرۍ قرباني شويد زابل د ارغنداب اوسېدونکي: موږ ته د اړتیا وړ روغتیايي خدمتونو یوازې ۱۰ سلنه شتهافغانستان د دوشنبې په ښار کې د پوتین او امام علي رحمان د کتنې په محور کېپه فراه کې په یوه دیني مدرسه کې د یوې ناچاودې ګولۍ چاودنې درې کسان ووژلسرچینې: طالبانو د اسلامي بانکدارۍ په نوم په کندهار کې ۷۰ سلنه بانکي راکړې ورکړې درولې ديرباب فاطمه له کندهار سفر وروسته: راستانه شوي کډوال او هغه کورنۍ چې مشري یې ښځې کوي ډېر ملاتړ ته اړتیا لريد ماشومانو نړیواله ورځ؛ د افغانستان له نیمایي ډېر ماشومان د لومړنیو زده کړو په عمر کې له ښوونځي بهر ديپه ژنیو انسټیټیوټ کې د افغان ښځو د وضعیت په اړه غونډه جوړه شوه

په ژنیو انسټیټیوټ کې د افغان ښځو د وضعیت په اړه غونډه جوړه شوه

د ښځو د حقونو مدافعینو او مدني فعالانو په ژنیو انسټیټیوټ کې په یوه غونډه کې د افغان ښځو او نجونو سره د همږغۍ او د هغوی د غږ علمي او نړیوالو بنسټونو ته د رسولو پر اړتیا ټینګار وکړ.

د بانو راډیو تلوېزیون شبکه ۲ دقیقې لوستل
Geneva Graduate Institute
Photo: Marmolada48. CC BY-SA 4.0. Source: https://commons.wikimedia.org/wiki/File:Geneva_Graduate_Institute.jpg

د افغان ښځو د وضعیت د ارزونې په موخه یوه غونډه د پنجشنبې په ورځ، د لړم په ۲۸مه، په سویس کې په ژنیو انسټیټیوټ کې جوړه شوه.

د ۸صبح ورځپاڼې د راپور له مخې، دا غونډه د «غذا برای اندیشه افغانستان» بنسټ په نوښت جوړه شوې وه او د ښځو د حقونو یو شمېر مدافعینو، د مدني ټولنې فعالانو او فیلیپو ګراندي، د کډوالو په چارو کې د ملګرو ملتونو د عالي کمېشنرۍ (UNHCR) پېژندل شوې څېرې، په کې ګډون کړی و.

د دې پروګرام اصلي محور د افغان ښځو د غږ ملاتړ او د علمي او پوهنتوني لارو له لارې د هغوی د کړاوونو، مبارزو او غوښتنو انعکاس ښودل شوی دی.

د راپور له مخې، ګډونوالو له بېلابېلو لیدلورو او تجربو سره د افغان ښځو او نجونو سره د همږغۍ او د هغوی د غږ علمي او نړیوالو بنسټونو ته د رسولو پر اړتیا ټینګار وکړ.

ویناوالو همداراز د افغان ښځو د غږ د پیاوړي کولو، د هغوی د بشري حقونو د دفاع او د هغوی د مبارزو د انعکاس د لارو چارو په اړه خبرې وکړې. ګډونوالو له نړیوالو بنسټونو وغوښتل چې د افغان ښځو وضعیت ته ډېر پام وکړي او پدې برخه کې مدني او علمي همکارۍ پیاوړې کړي.

ژنیو د ملګرو ملتونو د بشري حقونو شورا او یو شمېر نړیوالو بنسټونو کوربه دی او په وروستیو کلونو کې د افغان ښځینه فعالانو د نظرونو د وړاندې کولو یو مهم ځای ګرځېدلی دی. دې فعالانو څو ځله په نړیوالو غونډو کې غوښتنه کړې چې طالبان پر ښځو د لګول شویو بندیزونو له امله ځواب ویونکي وګرځول شي.

په پوهنتوني چاپېریال کې د داسې غونډو جوړېدل په داسې وخت کې لا ډېر ارزښت مومي چې د افغانستان دننه ښځې او نجونې له پوهنتوني زده کړو او له شپږم ټولګي پورته زده کړو بې برخې دي او ډېرو ښځینه څېړونکو او استادانو هېواد پرېښودلو ته اړ شوي دي.

طالبان پر ښځو خپل بندیزونه یوه کورنۍ موضوع ګڼي او په دې اړه نړیوالې نیوکې یې رد کړې دي.

انځور: Marmolada48 / CC BY-SA 4.0 / ویکیمېډیا کامنز

شریکول Facebook X WhatsApp Telegram

د بانو راپورونه، مستند او خپرونې په یوټیوب کې وګورئ.

▶ بانو تلوېزیون وګورئ